सेलिब्रेटी नेपाल काठमाडौँ
टाइटल गीतले दर्शक श्रोताको मन जित्न सफल चलचित्र ‘म यस्तो गीत गाउँछु’ को नयाँ गीत रिलिज भएको छ । असार ३० गतेलाई रिलिज मिति तय गरेको चलचित्रमा अर्जुन पोख्रेलको आवाजमा रहेको ‘किन आजकल तिम्रो मन’ बोलको गीत सार्वजनिक भएको हो। सार्वजनिक गीतमा अम्बिका शर्माको शब्द रहेको छ भने गीतमा अर्जुन पोख्रेलले संगीत भरेका छन्। कविराज गहतराजको कोरियोग्राफी रहेको गीतमा पल शाह र पूजा शर्मा फिचरीङमा रहेका छन्।
सांगीतिक प्रेम कथामा बनेको चलचित्र ‘म यस्तो गीत गाउँछु’ को ट्रेलरले पनि राम्रो प्रतिक्रिया पाएको छ । चलचित्रलाई सफल निर्देशक सुदर्शन थापाले निर्देशन गरेका हुन् ।
