सेलिब्रेटी नेपाल
काठमाडौं: राजबँशी समुदायमा आफुलाई स्टारका रुपमा स्थापित गराउन सफल नाम हाे गायक बलबहादुर राजबँशी । बिगत ८ बर्ष देखि नेपाली सँगीतमा सक्रिय राजबँशीले १०० भन्दा बढि गीतमा आवाज भरि सकेका छन् भने दर्जनाैँ नेपाली गीत गाइ सकेका छन् । उनकाे चर्चा भ्वाइस अफ नेपाल सिजन २ मा गएपछि झन् चुलिएकाे छ । उनी भ्वाइस अफ नेपाल सिजन २ मा टप नाईन सम्म पर्न सफल गायक हुन्। राजबँशीले भर्खरै नयाँ गीत ‘पछुताउनु पर्ला’ सार्बजनिक गरेका छन् ,जसमा शब्द डा. राजुबाबु श्रेष्ठकाे रहेकाे छ भने सँगीत हरि लम्सालकाे रहेकाे छ ।
गीतकाे सँगीत सँयाेजन रिकेश गुरुङ्गले गरेका छन् भने क्रिस्टल क्लज क्रिउ डान्स ग्रुपकाे अभिनय देख्न सकिन्छ । पाेखराकाे मनाेरम दृष्यहरुमा छायाँकन गरिएकाे भिडियाे सन्देश जँग राणाले निर्देशन गरेका छन् । सबै धारकाे गीतलाई न्याय दिन सफल राजबँशीकाे याे गीत डान्सिङ्ग बिटमा रहेकाे छ।
