सेलिब्रेटी नेपाल
काठमाडौं: नेपालमा ‘म्याक्स टिभी एसइइ डान्स च्याम्पियनशिप’ आयोजना गरिने भएको छ । एसइइका विद्यार्थीहरुलाई ठूलो मञ्च र अवसर प्रदान गर्ने उद्धेश्यले च्याम्पियनशिप आयोजना गर्न लागिएको बिहीबार आयोजित पत्रकार सम्मेलनमा जानकारी दिइयो । नृत्य मनोरञ्जनको साधन मात्र नभई शिप सहितको शिक्षा हो भन्ने सर्वब्यापी मान्यतालाई स्थापित गराउने उद्धेश्यसहित कार्यक्रम गर्न लागिएको कार्यक्रमका परिकल्पनाकार महेश गोदारले बताए । उनले बैशाख १० गतेबाट २५ गतेसम्म देशका विभिन्न शहरमा अडिसन हुने र अडिसनबाट ६० जनालाई टिभी राउण्डमा ल्याइने बताए । टिभी राउण्डमा आएका ति ६० जनालाई प्लस टु पढनका लागि शत प्रतिशत छात्रवृत्ति प्रदान गरिने उनले जानकारी दिए । कार्यक्रममा विजेतालाई नगद १ लाख रुपैयाँसहित स्कुटर प्रदान गरिनेछ । त्यस्तै उपविजेतालाई नगद ३० हजार, तृतियलाई नगद २० हजार रुपैयाँ प्रदान गरिने आयोजकले जनाएको छ ।
म्याम्स टिभिका अध्यक्ष दिनेश सुवेदीले अभिभावक र हाम्रो समाजमा नृत्य शिक्षा स्थापित गर्नका लागि सहकार्य गरिएको बताए । कार्यक्रममा भोटिङ राउण्ड नहुने बताउँदै निष्पक्ष निर्णय हुने उनले बताए । कार्यक्रमको निर्यायक भूमिकामा कोरियोग्राफर गम्भिर विष्ट, नन्दा बस्याल र प्रेम श्रेष्ठ रहेका छन् । कार्यक्रममा नेपाल टेलिभिजनका महाप्रवन्धक गोविन्द रोका, राष्ट्रिय नाँचघरका महाप्रवन्धक राजेश थापा, वरिष्ठ नृत्य निर्देशक राजु शाह, कमल राई, भुवनदास श्रेष्ठ लगायतले शुभकामना दिँदै नृत्यको विकासका लागि राज्य अझपनि गम्भिर बन्न नसकेको बताएका थिए । उनिहरुले नेपालका कला, संगीतसम्बन्धि छुट्टै विश्वविद्यालयको स्थापना हुनुपर्ने बताए । साथै विद्यालयमा अतिरिक्त क्रियाकलापमा मात्र नभई नृत्य, संगीतलाई अतिरिक्त पाठयक्रममा समावेश गरिनुपर्नेमा बक्ताहरुले जोड दिएका थिए । कार्यक्रमको निर्णायकमा गम्भीर विष्ट, नन्दा बश्याल,प्रेम श्रेष्ठ रहेका छन् ।
कार्यक्रम म्याक्स टिभीको प्रस्तुतीमा बज्रयोगिनी डान्स एण्ड म्युजिक एकेडेमीको आयोजनामा हुन लागेको हो । एनटिभी प्लस र म्याक्स टिभी अन्तर्गत १० भन्दा बढी च्यानलबाट कार्यक्रम प्रशारण हुने पत्रकार सम्मेलनमा जानकारी गराइयो । अडिसन पोखरा,काठमाडौँ,धरान, बिर्तामोड, कोहलपुर, सुर्खेत, धनगढी, बुटवल, नारायणघाट, धादिंग, इलाम र बनेपामा हुनेछ ।
सम्बधित पोस्टहरु
प्रदीप खड्का स्टारर चलचित्र ‘एक्टर’ को शुभ साइत सम्पन्न
काठमाडौँ। प्रदीप खड्का स्टारर चलचित्र ‘एक्टर’ को शुभ साइत गरिएको छ। ललितपुरको भैंसेपाटीमा पुजा आजा गर्दै फिल्म ‘एक्टर’को शुभसाइत गरिएको हो । शुभसाइत समारोहमा फिल्मका मुख्य कलाकारहरू प्रदीप खड्का, आना शर्मा,दिव्या...
जनकपुरबाट पल र पुजाको ‘रावायण’ को छायांकन सुरु
काठमाडौं। निर्देशक सुदर्शन थापाको सिनेमा ‘रावायण’ को जनकपुरको जानकी मन्दिरबाट छायांकन सुरु भएको छ । सिनेमाका मुख्य कलाकार पूजा शर्मा,पल शाह, प्रमोद अग्रहरी साथै निर्देशक सुदर्शन लगायतको उपस्थितीमा क्यामेरा पुजा गर्दे छायांकन सुरु...
गुरुङ चलचित्र ‘उज्यालो’ को गीतमा अमिर र तलिषा (भिडियो)
काठमाडौँ। आशिमाला फिल्मसको प्रस्तुतीमा निर्माण भएको गुरुङ संस्कार संस्कृतिमा आधारित नेपाली भाषाको गुरुङ चलचित्र ‘उज्यालो’ को गीत ‘जुनपनि लजाउँछ’ सार्वजनिक गरिएको छ। सार्वजनिक गीतमा लक्ष्मण गुरुङ र सुरक्षा...
दीपाश्री,केकी,मलिका,दयाराम लगायत गृहसचिव,सिडीओले गरे बृक्षारोपण
काठमाडौं । बरिष्ट फिल्म निर्देशक दयाराम दाहाल,अभिनेत्री,निर्देशक दीपाश्री निरौला,अभिनेत्री,पत्रकार,निर्देशक लक्ष्मण सुवेदी, निर्मात्री केकी अधिकारी,अभिनेत्री मलिका महत,गायक युवराज चौलागाई तथा गायिका सुनीता दुलालका साथमा...
निःशुल्क संगीत शिक्षा दिंदै ओम सुनार
काठमाडौं । संगीत अनुसन्धान तथा विकास मञ्च नेपाल (एमआरडीएफ) ले नयाँ कक्षा सुरु गरेको छ । नक्सालस्थित बाल मन्दिरमा बस्दै आएका बालबालिकाहरुलाई संगीत अध्यापन गराउँदै आएको यस संस्थाले नयाँ शैक्षिकसत्र सुरु भएसँगै नयाँ कक्षा सुरु गरेको...
यूएईमा नयाँ वर्ष साँझ सम्पन्न
काठमाडौं । राजेन्द्र पुरीको सञ्योजनमा नयाँ वर्ष साँझ सम्पन्न भएको छ । राष्ट्रिय लोक सांस्कृतिक संघको आयोजनामा यूएईको आब्रा बरदुबईको ब्लु प्यालेस होटलमा आयोजित नयाँ वर्षको शुभकामना आदानप्रदान तथा सांस्कृतिक साँझ कार्यक्रमका साथै...
