‘एउटा यस्तो प्रेम कहानी’ को दोश्रो टिजर सार्वजनिक (भिडियो)


काठमाण्डौ। अभिनेता शिव श्रेष्ठको प्रस्तुतिमा बनेको चलचित्र ‘एउटा यस्तो प्रेम कहानी’को दोश्रो टिजर सार्वजनिक गरिएको छ । दुई बर्ष अगाडी पहिलो टिजर सार्वजनिक भएको थियो ।

२०७४ चैत्र ३० गते मुहुर्त भएको यो चलचित्र लामो समयपछि प्रदर्शनको लागि तयार भएको छ । निर्देशक दिपेश सापकोटाका अनुसार चलचित्र हल खुल्नासाथै रिलीज गरिने छ ।

शिव श्रेष्ठका छोरा शक्ति श्रेष्ठ र करिस्मा मानन्धरकी छोरी कबिता मानन्धरको डेब्यु चलचित्र हो । चलचित्रमा कबिता, शक्ति र शिव श्रेष्ठको साथमा प्रियंका कार्की, आयुष्मान देशराज जोशी, बर्षा राउत, संजोग कोईराला, बसुन्धरा भुषाल, मिथिला शर्मा लगाएतको अभिनय छ ।

फिस्टेल मुभिजको ब्यानरमा बनेको चलचित्रका निर्माताहरु यसोधा राई र दिनेश दर्शनधारी हुन भने सह निर्माता खुम तामाङ, सुनिल कटुवाल, राम नारायण शाह, दिनेस थापामगर र तारा तुलाधर हुन् ।