‘माछा माछा’को प्रिमियर शो सम्पन्न, सौगात र सृस्टी संगै हलमा

सेलिब्रेटी नेपाल

काठमाडौँ: सौगात मल्ल स्टारर चलचित्र ‘माछा माछा’को प्रिमियर शो सम्पन्न भएको छ । राजधानी काठमाडौँमा रहेको बिग मुभिजमा चलचित्रको प्रिमियर शो गरिएको हो । प्रिमियरमा चलचित्रका कलाकार निर्माता निर्देशक लगायत चलचित्र पत्रकारहरुको बाक्लो उपस्थिति रहेको थियो।

चलचित्रले मिश्रित प्रतिक्रिया पाएको छ । दुइ घण्टा लामो चलचित्रले दर्शकलाइ हेरुञ्जेल मनोरंजन प्रदान गर्छ । तीन जना गाउँले युवकहरुले शहरिया जीवन स्थापित गर्न लागिपरेको संघर्षको कथामा सौगातसँगै विजय बराल र अनोज पाण्डे मुख्य भूमिकामा छन् ।

सुनिल गुरुङको लेखन तथा निर्देशन रहेको चलचित्रमा माओत्से गुरुङ, प्रविण खतिवडा, सरिता गिरी, भोलाराज सापकोटा, पुस्कर गुरुङ, कमलमणि नेपाल, धुर्व कोइराला, बसन्त भट्टलगायतका कलाकारको अभिनय छ । रामबाबु गुरुङ र दयाहाङ राईको लगानी रहेको चलचित्रमा शिवराम श्रेष्ठको छायाँकन, अनुपम शर्माको संगीत, निमेष श्रेष्ठको सम्पादन र प्रविण सिंहको कोरियोग्राफी छ ।

सिनेमा आर्टको प्रस्तुतिमा नौमती इन्टरटेनमेन्टले चलचित्र निर्माणमा सहकार्य गरेको छ । मणिराम पोखरेलको कार्यकारी निर्माण रहेको चलचित्रमा ओम चन्द रौनियार र अर्जुन कार्कीको सह-लगानी छ । चलचित्र मङ्सिर २० गतेबाट सार्बजनिक प्रदर्शनमा आउनेछ ।

 

सूचना बिभाग दर्ता नम्बर ५३७ - २०७३ / ०७४ सेलिब्रिटी नेपाल डट कम का लागी, संचालक/प्रकाशक : कल्पना सापकोटा, सम्पादक : आनन्द अधिकारी, सम्बाददाता : रघुनाथ सापकोटा, सम्पर्क : ९८५१०७१८७३