सुनिल गिरीको ʻपरदेशी…’ गीत रिलिज (हेर्नुहोस् भिडियो)

काठमाडौं। युवा पुस्तामाझ लोकप्रिय गायक सुनिल गिरीले नयाँ गीत रिलिज गरेका छन् ।

सुनिलले ʻपरदेशी कस्तो यो मनʼबोलको गीतको भिडियो सार्वजनिक गरेका हुन । गीत यो मन एल्बममा समाविष्ट छ । गीतमा सुनिलकै शब्द, संगीत तथा स्वरसंगै अभिनय रहेको छ । भिडियोमा सुनिलले मोडल श्रेया शर्मासंग अभिनय गरेका छन् । 

गोपाल रसाइलीको संगीत संयोजन रहेको गीतको भिडियोलाई अनिल के. मानन्धरले निर्देशन गरेका हुन । भिडियोमा पवन सिम्खडाको छायाँकन तथा शिलन लम्सालको सम्पादन छ ।

‘को होला त्यो’ बोलको गीतबाट युवापुस्तामाझ परिचित सुनिलका अन्य थुप्रै गीत स्रोता तथा दर्शकले रुचाएका छन् । सार्वजनिक भएको दुई दिन नपुग्दै यस गीतले युटयुबमा १ लाख १५ हजार बढी भ्यूज पाएको छ । आफ्ना यस अगाडिका गीतहरुलाई जस्तै ‘परदेशी’ गीतलाई पनि स्रोता तथा दर्शकले रुचाएको भन्दै सुनिलले सम्पूर्णलाई धन्यवाद दिए ।

 

सूचना बिभाग दर्ता नम्बर ५३७ - २०७३ / ०७४ सेलिब्रिटी नेपाल डट कम का लागी, संचालक/प्रकाशक : कल्पना सापकोटा, सम्पादक : आनन्द अधिकारी, सम्बाददाता : रघुनाथ सापकोटा, सम्पर्क : ९८५१०७१८७३