सेलिब्रेटी नेपाल काठमाडौँ
हिन्दु नारीहरुको महान पर्व हरीतालीका तिज मा स्वदेशमा मात्र नभई बिदेशमा पनि बिबिध साँस्कृतिक कार्यक्रमहरु आयोजना हुने गर्दछन यसै क्रममा यूएईका विभिन्न शहरहरुमा पनि तिज उत्सब कार्यक्रम हुने भएको छ । कार्यक्रमको आयोजना यूएर्इमा लामो समयदेखि रहँदै आएका समाजसेवी रतन थापाले गर्ने भएका छन् । कार्यक्रमको प्रमुख आर्कषण नेपालकी सर्वाधिक रुचाइएकी चर्चित अभिनेत्री रेखा थापा रहने छिन् ।
कार्यक्रममा रेखाका अलावा कलाकार तथा संचारकर्मी श्याम अर्याल, हास्यकलाकार द्धय किशोर भण्डारी ‘डिट्ठासाब’ र रेशमा तिमल्सिना ‘बुनु मैचा’, गायक परशुराम रिजाल, लोक गायिका मिना अधिकारीका साथै यूएइइका स्थानीय कलाकारहरुको सहभागीता रहनेछ ।
कार्यक्रममा सहभागीता जनाउन टोली बुधबार यूएई प्रस्थान गर्दैछ । यूएईका सारजाह, फुजेरा र दुवईमा हुने तिज उत्सब सेप्टेम्बर ४ र ११ मा आयोजना हुने आयोजकले जनाएका छन् ।
