बिबादमा रहेको ‘पद्मावती’ अब प्रदर्शनको बाटो खुल्यो !

सेलिब्रेटी नेपाल एजेन्सीको सहयोगमा

लामो समय देखि बिबादमा रहेर प्रदर्शन रोकिएको फिल्म ‘पद्मावती’ अब भने प्रदर्शन हुने बाटो खुलेको छ । संजय लिला भन्साली, ‘पद्मावती’ टिम र फ्यानका लागि खुसीको खबर हो । सेन्सर बोर्डले यो फिल्मलाई यूए सर्टिफिकेट दिएको छ । फिल्म पास गर्नका लागि फिल्मको नाम परिवर्तन गर्ने सहमती बनेको छ ।अब फिल्मको नाम ‘पद्मावती’ नभई ‘पद्मावत’ हुनेछ ।

फिल्मका बारेमा विवाद भएपछि सेन्सर बोर्डले इतिहासकारहरुको एक टीम बनाएको थियो । उन टिमले फिल्म हेरेर यूए सर्टिफिकेट दिएको हो । फिल्म रिलिज लामो समयदेखि रोकिएको अवस्थामा सर्टिफिकेट पाएपछि फिल्मको टिमलाई राहत मिलेको छ ।१ डिसेम्बरमा रिलिज हुने भनिएको फिल्म राजस्थान लगायतका राज्यमा भएको विवादका कारण तोकिएको समयमा रिलिज हुन सकेको थिएन ।