नेपाली संगीतमा उदाउँदो तारा चिरन्जीवी

(सेलिब्रेटी नेपाल) काठमाडौँ
रघुनाथ सापकोटा
नेपाली गीत संगीतको बजार खस्कदै गए पनि यस क्षेत्रमा करिएर बनाउने लक्ष्यका साथ नयाँ प्रतिभाहरुको प्रवेश भने रोकिएको छैन । यसै क्रममा गायक तथा संगीतकार चिरन्जीवी भण्डारीको यो क्षेत्रमा प्रवेश भएको छ । गीतकार शंकर कडेलको ‘सान्नानी’ एल्बमको लागि चिरन्जीविको संगीतमा शिव परियारले स्वर दिएका छन् भने अहिलेका चर्चित अन्य गायक हरुले पनि चिरंजिवि भण्डारीको संगीतमा स्वर दिई सकेका छन् ।
बिगत ३ वर्ष देखि संगीतमा सक्रीए भण्डारीको सोलो एल्बम ‘माया पिरती’ बजारमा आइ सकेको छ भने उनले विभिन्न कलेक्सन एल्बममा पनि आफ्नो आवाज दिई सकेका छन् । गीत संगीतको बजार घटे पनि गायकहरुले विभिन्न सांस्कृतिक कार्यक्रम हरुमा गायर केहि आम्दानी गर्ने गरेका छन् । गायक चिरंजिवि पनि स्टेज शो हरुमा गाउने गायक मध्येमा पर्न थालेका छन् । उनि भबिस्यमा संगीतमा नै लागि रहने बताउछन् ।