सेलिब्रेटी नेपाल काठमाडौँ
कार्यक्रम ’को बन्छ करोडपति’ नेपाली टेलिभिजनमा पनि सुरु हुने भएको छ । कौन बनेगा करोडपतिको नेपाली संस्करण नेपालमा संचालन हुने भएको हो । कार्यक्रमलाई नायक राजेश हमालले संचालन गर्ने बताईएको छ । ब्रिटेनको चर्चित टेलिभिजन शो ‘हु वान्ट्स टु वि ए मिलेनियर’ बाट लाइसेन्स प्राप्त गरेर उक्त कार्यक्रम एपी १ टेलिभिजनबाट बैशाख १ गतेदेखी प्रसारण हुने भएको हो । कार्यक्रममा एसारबीएन मिडियाको सहप्रायोजन रहने छ । कार्यक्रमको दर्ता खुलेपछि आइभिआर र एसएमएसद्वारा प्रतियोगी छानिने र तीमध्ये १० जना प्रतियोगी फस्टेस्ट फिंगरको लागि चुनिनेछन्।
यसरी चुनिएका १० जना कार्यक्रममा सहभागी भएर हट सिटको लागि प्रतिष्पर्धा गर्नेछन्। तीमध्ये छिटो उत्तर मिलाउने एक जना हट सिटमा पुग्नेछन् । कार्यक्रममा सोधिएको सबै प्रश्नको उत्तर मिलाउनेले नगद एक करोड जित्न सक्नेछ कार्यक्रममा विभिन्न हेल्प लाईनहरु पनि रहनेछन।
