सेलिब्रेटी नेपाल काठमाडौँ
कोरियाको इन्चियन शहरमा आयोजना भएको ‘५ औं लक्जरी ब्राण्ड मोडल अवार्ड, ग्लोबल फेसन विक २०१८’ मा नेपालाई ठुलो सफलता हात परेको छ । नेपालको प्रतिनिधित्व गर्दै अवार्डमा सहभागी उदयीमान मोडलहरु विक्रम आदित्य महासेठ, अदिति अधिकारी, रुविष्का श्रेष्ठ र आदर्श ज्ञवालीले विभिन्न अन्तर्राष्ट्रिय अवार्ड नेपाल भित्र्याउन सफल भएका छन् ।
कार्यक्रममा विक्रम र रुविष्कालाई ‘ब्राण्ड अनररी एम्बेसडर अफ एलबिएमए’ अवार्ड जित्दा अदीति अधिकारीले ‘फेसनिन्स्टा एण्ड ब्राण्ड अनररी एम्बेसडर फर जे जुन कस्मेटिक प्रोडक्ट’ र आदर्श ज्ञवालीले ‘बेष्ट पर्सनालिटी’ अवार्ड हात पारे ।
कोरियोको इन्चियोनको सोङडो अन्तर्राष्ट्रिय व्यापारिक जिल्लाको ओर्ड फाइनल ग्राण्ड हायात इन्चियोनमा २८ अक्टोबरदेखि १ नोभेम्बरसम्म ( ११ कत्तिकदेखि १५ सम्म) आयोजित कार्यक्रममा यी सहभागीले नेपालका विभिन्न कलासंस्कृति विश्वका सहभागी माझ राखेका थिए ।
नेपालको प्रतिनिधित्व अवार्डमा सहभागीमध्ये अदिति अधिकारी नेक्स्ट मोडल्स नेपाल आयोजक रहेको ‘मोडल हन्ट २०१८’ की महिला विजेता हुन् । रुविष्का श्रेष्ठ र आदर्श ज्ञवाली सोही कार्यक्रमको फस्र्ट रनर अप र थर्ड रनरअप विजेता हुन् ।
अर्का सहभागी विक्रम अदित्य मोडल ‘हन्ट नेपाल २०१७’ का विजेता हुन् । उनी २०१८ कै एसिया मोडल फेस्टिवल फेस अफ नेपाल विजेता पनि हुन् । सबै सहभागी नेक्स्ट मोडल्स नेपालको समन्वय तथा व्यवस्थापनमा कार्यक्रममा सहभागी भएका हुन् । सबै सहभागी मंगलबार काठमाडौ फर्किने नेक्स्ट मोडल्सका अध्यक्ष रवि धमलाले जानकारी दिए ।
