लेखक तथा निर्देशक शिबम अर्को चलचित्र निर्देशन गर्दै

सेलिब्रेटी नेपाल काठमाडौँ

चलचित्र सुश्री मार्फत निर्देशनमा डेब्यु गरेका लेखक तथा निर्देशक शिवम् अधिकारीले अर्को नयाँ चलचित्रको निर्देशन गर्ने भएका छन् । अन टाइटल चलचित्रलाई गायक सुनिल सिंह ठकुरीले निर्माण गर्न लागेका हुन् । नेवार र ब्राम्हण युवतीबिचको माया प्रेम बिचको कथा यस चलचित्र काठमाडौंमा घटेको एक सत्य घटनामा आधारित रहने छ । जेष्ठको दोस्रोहप्ताबाट छायांकनमा जाने अन टाइटल चलचित्रको लागि अहिले कलाकारको अडिसन चलिरहेको छ ।

चलचित्रमा अभिनय गर्ने कलाकारले अडिसनको लागि निर्माण युनिटसँग सम्पर्क राख्न सक्ने छन् । चलचित्रको लागि १६ बर्ष देखि २२ बर्ष सम्मका कलाकार अडिसन मार्फत छनौट गरिने छ । रियाज म्युजिकको समेत लगानी रहने यस चलचित्रमा दिपक शर्मा, सुनिल सिंह ठकुरी र इन्द्र आरपीको संगीत रहने छ । रामेश्वर कार्कीको छायांकन, रोशन श्रेष्ठको द्वन्द , रामजी लामिछानेको नृत्य यस चलचित्रको कथा निर्देशक अधिकारीको नै रहने छ ।