(सेलिब्रेटी नेपाल) २० चैत्र- अबको एक साता पछि अर्थात् चैत्र २८ गते रिलिज हुने चलचित्र ‘नाई नभन्नु ल २’ को गीत संगीत यति बेला सर्बाधिक चर्चा मा छ आज चलचित्र ‘नाई नभन्नु ल २’ को पत्रकार सम्मेलनमा चलचित्रको बिषयमा चर्चा भयो।
प्रेससँग प्रत्यक्ष कुराकानीमा पत्रकार सम्मेलन भएकाले पनि सिनेमा र कलाकारका बिषयमा धेरै कुराहरु बाहिर आए। निर्देशक विकास आचार्यले सिनेमा चल्नेमा आफू ढुक्क भएको बताए भने नायक जीवन लुइटेलले चलचित्र भित्र आफू छोटो तर महत्वपूर्ण भूमिकामा भएको बताएका छन्। प्रियंका कार्की आफु आमाको रोलमा देखिएको र आफ्नो भूमिका निकै च्यालेंजिंग रहेको बताईंन।
चलचित्रमा सुरज सिंह ठकुरी, जीवन लुँइटेल, सरोज खनाल, प्रियंका कार्की, बर्षा शिवाकोटी, अनुभव रेग्मी, सुज्ञानी भट्टराई, सिताराम कट्टेल, सोहित मानन्धर, निर्दोष केसी लगायतका कलाकारको अभिनय रहेको छ। चलचित्रमा वसन्त सापकोटा र सुरेश गैरेको संगीत, कविराज गहतराजको नृत्य, पुरुषोत्तम प्रधानको छायांकन, दिर्घ खड्काको सम्पादन रहेको छ। डाक्टर कृष्णहरी बरालको शब्दमा बनेका गीत हरुलाई निर्माणपक्षले चलचित्रको बलियो हतियार मानेको छ।
