सम्पादनमा हैरान

सेलिब्रेटी नेपाल काठमाडौँ

विश्वकै कान्छो निर्देशक सौगात बिष्ट द्धारा निर्देशन गरिएको चलचित्र हैरानको यतिबेला धमाधम सम्पादन कार्य भईरहेको छ । अझै पनि, चंखे शंखे पंखे,लभ यू बाबा, फुलै फुलको मौसम तिमीलाई जस्ता चलचित्रको सम्पादन गरेका सम्पादक प्रितम पाण्डेय यतिबेला चलचित्र हैरानमा लागि परेका छन्।

चलचित्र हैरान कस्तो खालको चलचित्र हो भन्ने हाम्रो प्रश्नमा पाण्डेय भन्छन् यो चलचित्र कमेडी , प्रेम र सस्पेन्सको मिश्रण हो । चलचित्र कस्तो होला भन्नेको कुरा यसको नामबाटै पनि अन्दाज लगाउन सकिन्छ चलचित्र हैरान मुक्ति घले , वाई.एल लामा र श्रिष्टी घिमिरेको निर्माणमा तयार भएको हो ।
चलचित्रमा गजित बिष्ट,निश्मा घिमिरे , सत्यराज आचार्य , पुष्कर रेग्मी,सागर लम्साल र नव कलाकार आरोहि शर्माको मुख्य भुमिका रहेको छ ।