पारिवारिक प्रेमकथा ‘गुनगुन’

सेलिब्रेटी नेपाल काठमाडौँ

कार्तिक ३० बाट प्रदर्शनमा आउने चलचित्र ‘गुनगुन’को ट्रेलर तथा दुई सार्वजनिक भईसकेको छ । आउदै गरेको चाडपर्वलाई लक्षित गर्दै निर्माण युनिट विभिन्न इभेन्टमा सहभागी हुने सोचाइमा समेत छन् । यसै बीच निर्माण पक्षले चलचित्रको विषयवस्तुको बारेमा जानकारी गराएका छन् । निर्देशक , निर्माता तथा कलाकार पुकार भट्टराई र कलाकारहरु सुवास मेचे तथा रविन्द्र प्रताप सेनले जानकारी गराएका हुन् । यिनले चलचित्रको कथा समसामयिक रहेको जनाउदै चलचित्र पारिवारिक प्रेम कथा रहेको बताए । चलचित्रमा शिर्ष भूमिकामा अभिनेत्री संचिता लुइँटेल छिन ।

प्राथना फिल्म्सको प्रस्तुतिमा तयार भएको चलचित्रमा नविन श्रेष्ठ , गणेश जिसी , देशभक्त खनाल , अनु भण्डारी , सुमेश श्रेष्ठ , राधा दाहाल , भिम मैनाली , बाल्दिप राई , विपिन प्रसाई र स्वयम् निर्देशक भट्टराईको अभिनय रहेको छ । फिल्ममा हिमाल केसीको द्वन्द , अर्जुन जिसीको सम्पादन र सौरभ लामाको छायाँकन रहेको छ ।