सेलिब्रेटी नेपाल
काठमाडौँ : सुरेश उप्रेतीले निर्माण तथा निर्देशन गरेको चलचित्र ‘दैलो’ आगामी शुक्रबार अर्थात् कात्तिक ३० गतेबाट प्रदर्शनमा आउदै छ । सामाजिक र पारिवारिक कथा बस्तुको वरिपरी घुम्ने चलचित्रको हालै मात्र झापामा च्यारिटी शो सम्पन्न गरिएको छ । थुप्रै सडक नाटकहरुमा काम गरि सकेका कलाकारहरुको बाहुल्यता रहेको चलचित्रलाइ च्यारिटी शोमा हेर्ने दर्शकले राम्रो प्रतिक्रिया दिएका छन् । चलचित्रमा समाबेश दुइ गीत तथा ट्रेलर सार्बजनिक भइ सकेको छ ।
चलचित्रमा बिमल भट्टराईको छायांकन र तारा थापाको सम्पादन रहेको छ । जमुना देवी फिल्म्सको ब्यानरमा निर्माण भएको चलचित्रलाई अर्जुन उप्रेती तथा यसोदा उप्रेतीले संयूक्त रुपमा निर्माण गरेका हुन् । चलचित्रमा सुरेश उप्रेती, दुर्गा साउद, विकाश चापागाई, दीपक डोटेल, मुना प्रसाईंलगायतको अभिनय रहेको छ । चलचित्रको कथा निर्देशक उप्रेतीकै हो ।
