जन्मदिनमा शाहीले गरे आभाष रिलिज मिति घोषणा

(सेलिब्रेटी नेपाल) काठमाडौँ
आफ्नो ३४ औं जन्मदिनको छेको पारेर निर्माता गोविन्द शाहीले आफ्नो चलचित्र आभाषको पब्लिसिटी सुरु गरेका छन्। यही छेकोमा रिलिज मिति र क्यारेक्टर पोस्टर सार्वजनिक गरियो । आगामी पुस २५ को चिसोमा सिनेमा देशब्यापी रिलिज हुने वितरक समेत रहेका शाहीले जनाए। उक्त मिति नेपाली पर्व माघे सक्रान्तिको झन्डै साताअघि हो जसको प्रभाव बक्सअफिसमा पर्ने अपेक्षा निर्माताको छ। एडिटर बाट निर्देशनमा डेब्यु गर्न लागेका सुरेन्द्र पौडेल निर्देशित चलचित्र ‘आभास’को जारी क्यारेक्टर पोस्टरमा संयम पुरी र निशा अधिकारी फिचरिङ छन्। यी दुबैजनाले चलचित्रभित्र स्क्रिन सेयर गरेका छन्। चलचित्रमा निशा र संयम बाहेक सलोन बस्नेत, आस्मा डीसी र सुनिल रावलको मुख्य भूमिका रहेको छ। टीनएज लभस्टोरी ड्रामालाई तन्नेरी दर्शकले रुचाउने विश्वास निर्देशक पौडेलले लिएका छन्। केही बलिउड सिनेमा र झन्डै ८ नेपाली फिल्ममा सम्पादनको अनुभव बटुलेका डेब्यु निर्देशक पौडेलले अन्य टीनएज लभस्टोरीभन्दा आभाषलाई भिन्न रुपमा व्याख्या गरे ।

गोबिन्द शाही, पवन श्रेष्ठ र दीपक शाही निर्मित फिल्ममा सुजेन्द्र डी कार्की, छेतेन गुरुङ, प्रकाश नेपाली र निर्देशक पौडेलको संगीत तथा सम्पादन छ । पुरुषोत्तम प्रधानको क्यामेरा, गम्भिर विष्टको नृत्य, चन्द्र पन्तको द्धन्द्ध समाबेश छ।