सेलिब्रेटी नेपाल काठमाडौँ
केही दिन अघि एक औपचारिक घोषणा गरेको चलचित्र ‘जय शम्भु’ को यति बेला छायांकन भईरहेको छ ।
शुरुमा चलचित्रका मूख्य कलाकारहरु अनुप विक्रम शाही, प्रशान्त ताम्राकार र बर्षा शिवाकोटीको परिचयात्मक एकशन दृश्य खिचिएको हो । चलचित्रको छायांकन एक साथ चार क्यामराले भईरहेको छ ।चलचित्रमा रेड ४ दशमलव ५ के २ वटा, गोप्रो ४ के १ वटा र फ्लाटोन ४ के ड्रोन एउटा प्रयोग गरिएको छ । चलचित्र निर्माण टिमले एक्शन र गीतमा मात्र नभई पुरै चलचित्रमा चार क्यामरा प्रयोग हुने बताईएको छ ।
उक्त एक्शन सिनको लागि लाखौं खर्च गरेर सेट तयार पारिएको छ । सेट तयार पार्न १० लाख बढि खर्च भएको र सेटसँगै महँगो प्रोपर्टि राखिएको छ । सेटको लागि ३ वटा पुराना कार र एउटा जिप खरिद गरिएको निर्माण पक्षले जानकारी गराएको छ ।
एक्शन कोरियोग्राफर श्री श्रेष्ठले चलचित्रमा एक्शनको नयाँ अपडेट शुरु गर्न लागिएको बताएका छन् । चलचित्रका निर्देशक रुपेश तामाङले हाल एक्शनका दृश्य भईरहेको र एक्शन पुरै बलिउडकै स्टाईलमा नेपालमा पहिलो पटक खिच्न लागेको दावी गरेका छन् । हाल मूख्य कलाकारहरु अनुप विक्रम शाही, प्रशान्त ताम्राकार र बर्षा शिवाकोटीको एक्शन दृश्य भईरहेको छ । चलचित्रको ८० प्रतिशत बढि दृश्य काठमाडौंमा खिचिने छ भने बाँकी अन्नपूर्ण बेसक्याम्पमा खिचिने योजना रहेको छ । प्रस्तुतकर्ता दिनेश शाही रहेको जय शम्भुमा निर्माता अरविन्द्र शाक्य छन् भने कार्यकारी निर्माता राजकुमार नगरकोटी र चक्र पाख्रिन छन् । फिल्मलाई हरि घले लामाले खिचिरहेका छन् भने प्रोडक्शन डिजाईनर शंकर बस्नेत रहेका हुन् । चलचित्र नयाँ बर्षको श्रावण १ मा रिलिज हुने बताईएको छ ।
