सेलिब्रेटी नेपाल काठमाडौँ
काभ्रे,सिन्धुपाल्चोक र महोत्तरीमा एकीकृत नमुना बस्ती निर्माण गरिसकेको धुर्मुस सुन्तली फाउन्डेसनले
रौतहटको सन्तपुरमा एकीकृत नमुना दलित बस्ती बनाउने भएको छ रौतहट जिल्लाको चन्द्रपुर नगरपालिका ८, सन्तपुरमा एकीकृत नमुना दलित बस्ती बनाउने भएका हुन् । उक्त बस्तीको असोज ४ गते शिलान्यास गर्ने कार्यक्रम रहेको छ नेपाल होटल तथा पर्यटन व्यवसायी महासंघ प्रदेश नंम्बर २ को सहकार्यमा फाउन्डेसनले उक्त एकीकृत नमुना बस्ती निर्माण गर्न लागेको हो ।
फाउन्डेसनका म्यानेजर अर्जुन न्यौपाने र नेपाल होटल तथा पर्यटन व्यवसायी महासंघ प्रदेश नंम्बर २ का अध्यक्ष हिरा गौतम र वरिष्ठ उपाध्यक्ष उदय सापकोटा सुरेन तथा दलित समुदायका तर्फबाट सत्य नारायण माझीले बस्ती निर्माणको सम्झौता–पत्रमा सोमबार हस्ताक्षर गरेका छन् । सो बस्तीमा ४० वटा दुई तले घर निर्माण गरिनेछ ।
