सेलिब्रेटी नेपाल काठमाडौँ
पारिवारिक कथामा चलचित्र ‘उल्झन’ निर्माण हुने भएको छ । सोमबार राजधानीमा एक कार्यक्रमकाबीच चलचित्र निर्माणको घोसणा गरिएको छ । ध्रुव दत्त, रजनी केसी, बेनी ढुंगाना, दिपक ढकाल, रामचन्द्र अधिकारी, ऐनी विष्ट लगायतका कलाकारको अभिनय रहने चलचित्रलाई राजु अधिकारीले निर्देशन गर्नेछन् । चलचित्रको आजैबाट छायांकन प्रारम्भ गरिने जानकारी गराइएको छ ।
आशुतोष फिल्मस् प्रोडक्सन प्रा.लि.को व्यानरमा तेजेन्द्र कँडेल प्रस्तुत यस चलचित्रमा सन्तोष अधिकारी र हरि कार्कीको लगानी रहनेछ । कुमार महर्जनको द्धन्द्ध, शिव विकको नृत्य रहने चलचित्रमा संगीत हिरामणि न्यौपाने र दिनेश गौतमको रहने छ । ‘उल्झनमा एउटा युवाले विदेशमा भोग्नु परेको पीडा अनि आफ्नो लक्ष्य प्राप्त गरिसकेपछि स्वदेश फर्कदाको पारिवारिक सम्बन्धमा दरार कसरी हुन पुग्छ भन्ने विषयवस्तुलाई उठाउँन खोजिएको छ ।’
