सेलिब्रेटी नेपाल एजेन्सीको सहयोगमा
पछिल्लो समय बलिउडमा बायोपिक फिल्म बन्ने लहर नै चलेको छ । यहि लहरमा अभिनेता अजय देवगन पनि थपिने भएका छन् । हाल फिल्म बादशाहोको छायांकनमा व्यस्त अजयले बाबा रामदेवको बयोपिक बनाउने भएका हुन् । उनले यसमा अभिनय पनि गर्नेछन । तर यो फिल्म नभई टेलिफिल्म हुनेछ । अर्थात् यसलाई दर्शकले हलमा नभई टिभीमा हेर्न पाउने छन् ।
यसमा बाबा रामदेवसंगै उनका नजिकका मित्र आचार्य बालकृष्णको पनि जीवनी देखाइने छ । अजयले फिल्ममेकर अभिनव शुक्लासंग मिलेर तयार पार्ने यस टेलिफिल्मको नाम ‘स्वामि बाबा रामदेव : द अन्टोल्ड स्टोरी’ हुनेछ ।
